Sa mundong malaya
Tayo ay nagkakilala
Dahilan ng pagbisita
Tulad din ng sa iba.
Kwento ng buhay
Bahagya sa ‘yo sinalaysay
Tila meron misteryong taglay
Nais makaharap ka ng tunay.
Sa unang pagkikita
Sa dibdib ay may kaba
Umaapaw na paghanga
Nadarama tapat na pagsinta.
Pag ibig na walang kapantay
Pangako habangbuhay
Pagmamahal tanging alay
Sa ‘yo lamang ibibigay.
Ngayon ako singkwenta na
At ikaw naman ay sisenta
Hawak kamay tayong dalawa
Magpasalamat sa matibay na pagsasama.
